Time Using 02 ( விசுவாசமுள்ள ஜெபம் )

-
விசுவாசமுள்ள ஜெபம்

Succes in Jesus Christ 

மாற்கு 11:24 ஆதலால், நீங்கள் ஜெபம்பண்ணும்போது எவைகளைக் கேட்டுக்கொள்ளுவீர்களோ, அவைகளைப் பெற்றுக்கொள்வோம் என்று விசுவாசியுங்கள், அப்பொழுது அவைகள் உங்களுக்கு உண்டாகும் என்று சொல்லுகிறேன்.

ஒரு சமயம் நாத்திகன் ஒருவன் மதுபானக் கடை ஒன்றை முதலாவதாக பட்டணத்தில் திறக்க அனுமதி பெற்றிருந்தான்.அந்தக்கடை அந்த பட்டணத்தில் உள்ள ஆலயம் ஒன்றிற்கு அருகாமையில் இருக்கபோகிறபடியால் அந்த ஆலய விசுவாசிகள் அதை விரும்பவில்லை. விசுவாசிகள் எல்லாரும் அந்த மதுக்கடை இல்லாமல் போகும்படி தேவனிடத்தில் ஜெபித்தார்கள். அந்தக்கடை திறப்பதற்கு சில நாட்களுக்கு முன்பு அவர்கள் ஜெபித்தபடி மின்னல் தாக்கி அந்த கடை எரிந்து தரைமட்டமானது.

விசுவாசிகள் எல்லோருக்கும் மிகுந்த சந்தோஷம் உண்டாயிற்று. ஆனால் அந்த மதுபானக்கடை உரிமையாளரோ இந்த விசுவாசிகள் ஜெபித்ததின் விளைவாகத்தான் அவருடைய கடைக்கு இவ்விதம் சம்பவித்தது என்று விசுவாசித்து ஜெபித்த கிறிஸ்தவர்களை நீதிமன்றத்திற்கு இழுத்தார். விசுவாசிகளோ, தங்களுக்கும் கடை எரிந்து சாம்பலானதற்கும் எந்த தொடர்பும் இல்லை என வாதிட்டார்கள். முதல் வாய்தாவிலே நீதிபதி இரு பக்கத்தாரையும் விசாரித்துவிட்டு “இந்த நிலையில் என்னுடைய தீர்ப்பு எப்படி இருக்க போகிறது என்று எனக்கே தெரியாது. ஆனால் ஒரு உண்மை விளங்குகிறது. அந்த மதுக்கடை உரிமையாளனான நாத்திகன் விசுவாசிகள் ஜெபித்த ஜெபத்தை நம்புகிறான். ஆனால் இந்த கிறிஸ்தவர்களுக்கு ஜெபத்தின் வல்லமையில் நம்பிக்கையில்லை. அதனால் தான் தங்கள் ஜெபத்தால் கடை எரியவில்லை என்று வாதாடுகிறார்கள்” என்று கூறினார்.

அப்போஸ்தலனாகிய பேதுரு சிறையிலிருந்தபோது விசுவாசிகள் அவன் விடுதலைக்காக ஜெபித்தார்கள். ஆனால் அவன் விடுதலையாகி வந்து கதவை தட்டினபோது விசுவாசிகள் அவனைக் கண்டு ஆச்சரியப்பட்டார்கள். தேவன் நம்முடைய ஜெபங்களுக்குப் பதில் அளிக்கிறார் என்பதை அநேகர் நம்புவது இல்லை. ஜெபத்தினால் நோய்கள் சுகம் ஆகும், பிசாசுகள் நீங்கும், நடக்க முடியாது என்று நினைக்கிறவன் என்று நினைக்கிற அற்புதங்கள் நடக்கும். உங்கள் வாழ்க்கையில் ஜெபத்தில் வல்லமையை அனுபவித்துப் பாருங்கள். நீங்களே ஆச்சரியப்படும்படி பெரிய காரியங்கள் நடக்கும்.

இன்று நம்முடைய விசுவாசம் எவ்வாறு இருக்கிறது. ஆண்டவரிடம் நாம் வேண்டிக்கொள்ளுவதற்கு முன்பே அவர் நம்முடைய தேவைகளை அறிந்திருக்கிறார். அவரிடம் நாம் விசுவாசத்தோடு ஜெபிக்கும்போது உன்னத ஆசீர்வாதங்களை அவர் நமக்கு தந்தருளுவார். 

மத்தேயு 21:22 மேலும், நீங்கள் விசுவாசமுள்ளவர்களாய் ஜெபத்திலே எவைகளைக் கேட்பீர்களோ அவைகளையெல்லாம் பெறுவீர்கள் என்றார்.

Glory to Jesus Christ.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

மீட்பரின் மகத்துவங்கள்

-
படம்
ஏசாயா 47:4 எங்கள் மீட்பருடைய நாமம் இஸ்ரவேலின் பரிசுத்தராகிய சேனைகளுடைய கர்த்தர் என்பது. மீட்பர் என்றால் மீட்டு இரட்சிப்பவர் என்று பொருள்படும். ஆண்டவராகிய இயேசு கிறிஸ்து நம்மை பாவத்திலிருந்தும், சாபத்திலிருந்தும் மீட்கும் மீட்பராக இந்த மண்ணில் இறங்கி வந்தார். நம்முடைய தேவனாகிய மீட்பருடைய மகத்துவங்களைக் குறித்து இந்த நாளில் தியானிப்போம்.  1. மீட்பர் வல்லமையுள்ளவர் எரேமியா 50:34 அவர்களுடைய மீட்பரோவெனில் வல்லமையுள்ளவர், சேனைகளின் கர்த்தர் என்பது அவருடைய நாமம்; தேசத்தை இளைப்பாறப் பண்ணுவதற்கும், பாபிலோன் குடிகளைத் தத்தளிக்கப்பண்ணுவதற்கும் அவர்களுடைய வழக்கை அவர் நடத்துவார். முதலாவது நம்முடைய மீட்பர் வல்லமையுள்ளவர். நமக்கு எதிராய் எத்தனை விதமான போராட்டமான சூழ்நிலை வந்தாலும் நம்மை விடுவிக்க அவர் வல்லமையுள்ளவராக இருக்கிறார். தலைக்கு மேலே பிரச்சனை சென்றாலும், கோலியாத் போன்ற பலசாலிகள் நமக்கு எதிராய் வந்தாலும் ஆண்டவர் பராக்கிரமமுள்ளவர் என்பதை நாம் மறந்துபோகக் கூடாது. தாவீதை விட கோலியாத் சரீரப்பிரகாரமாக பார்த்தால் பலமுள்ளவன் தான். ஆனால் தாவீதின் மீட்பர் வல்லமையுள்ளவராக இருந்ததால் கோலியாத்தை எளித...
மேலும் படிக்கவும்

Good Friday - சிலுவையை சுற்றி கேட்ட ஏழு குரல்கள்

-
படம்
சிலுவையை சுற்றி கேட்ட ஏழு குரல்கள் ஆண்டவராகிய இயேசு கிறிஸ்து நமக்காக இந்த மண்ணில் இறங்கிவந்து சிலுவைப்பாடுகளை ஏற்றுக்கொண்டார். பெரிய வெள்ளியாகிய இன்று இயேசு சிலுவையில் பேசிய ஏழு வார்த்தைகளை குறித்து நாம் அனைவரும் பல செய்திகளை கேட்கிறோம். ஆனால் இயேசுவின் சிலுவையை சுற்றி பலவித குரல்களும் கேட்டது. பல மக்களும் பேசினதாக கூறப்பட்டுள்ளது. அவ்வாறு இயேசுவின் சிலுவையை சுற்றி கேட்ட ஏழு குரல்கள் என்ற தலைப்பில் இன்று தியானிக்க இருக்கிறோம்.  சிலுவையை சுற்றி கேட்ட ஏழு குரல்கள் 1. பரியாசத்தின் குரல் அந்த வழியாய் நடந்துபோகிறவர்கள் தங்கள் தலைகளைத் துலுக்கி: தேவாலயத்தை இடித்து, மூன்று நாளைக்குள்ளே கட்டுகிறவனே, உன்னை நீயே இரட்சித்துக்கொள்; நீ தேவனுடைய குமாரனானால் சிலுவையிலிருந்து இறங்கிவா என்று அவரைத் தூஷித்தார்கள். (மத்தேயு 27:39,40) இயேசு சிலுவையில் அறையப்பட்ட போது அந்த வழியாக நடந்து சென்றவர்கள் இயேசுவை தூஷித்தார்கள். அதேபோல வேதபாரகர், பரிசேயர் மற்றும் மூப்பர்களும் அவரை பரியாசம் பண்ணினார்கள் என்று பார்க்கிறோம். இயேசுவின் சிலுவை மரணம் அவர்களுக்கு ஒரு பரியாசமாய் தோன்றியது. வேதம் சொல்லுகிறது பரியாசக்கா...
மேலும் படிக்கவும்

விசுவாசம்

-
படம்
மத்தேயு 21:22 மேலும், நீங்கள் விசுவாசமுள்ளவர்களாய் ஜெபத்திலே எவைகளைக் கேட்பீர்களோ அவைகளையெல்லாம் பெறுவீர்கள் என்றார். விசுவாசம் என்பது நம்பப்படுகிறவைகளின் உறுதியும் காணப்படாதவைகளின் நிச்சயமுமயிருக்கிறது . அந்த விசுவாசத்தினாலே நீதிமான் பிழைப்பான் என்றும் விசுவாசமே உலகத்தை ஜெயிக்கிற ஜெயம் என்றும் அநேக இடங்களில் வேதத்தில் காணலாம். வேதத்தில் அநேக பரிசுத்தவான்களின் விசுவாச வாழ்க்கை நமக்கு முன்மாதிரியாக தரப்பட்டுள்ளது. அவைகளைக் குறித்து இன்று தியானிப்போம். 1. இயற்கைக்கு அப்பாற்பட்ட விசுவாசம் விசுவாசம் என்று கேட்டவுடனே ஞாபகம் வருவது ஆபிரகாம். அவன் விசுவாசிகளின் தகப்பன் என்று அழைக்கப்பட்டான். ஆபிரகாமுக்கு பிள்ளை இல்லாதிருந்த போது கர்த்தர் அவனுக்கு தரிசனமாகி உன் சந்ததியை வானத்து நட்சத்திரங்களை போல பெருகப் பண்ணுவேன் என்று வாக்குப்பண்ணுகிறார். ஆதியாகமம் 15:5,6 அவர் அவனை வெளியே அழைத்து: நீ வானத்தை அண்ணாந்துபார், நட்சத்திரங்களை எண்ண உன்னாலே கூடுமானால், அவைகளை எண்ணு என்று சொல்லி; பின்பு அவனை நோக்கி: உன் சந்ததி இவ்வண்ணமாய் இருக்கும் என்றார். *அவன் கர்த்தரை விசுவாசித்தான், அதை அவர் அவனுக்க...
மேலும் படிக்கவும்